ကမ္ဘာ့ဖလား ခြေစစ်ပွဲ ၀င်မည့် မော်လ်ဒိုက် အသင်းအတွက် ဘာကာအာရစ်အား စေလွှတ်ပေး

ကမ္ဘာ့ဖလား ခြေစစ်ပွဲ ၀င်မည့် မော်လ်ဒိုက် အသင်းအတွက် ဘာကာအာရစ်အား စေလွှတ်ပေး

ကမ္ဘောဇ အသင်းမှ မော်လ်ဒိုက် ကွင်းလယ် ကစားသမား ဘာကာအာရစ်သည် ကာတာအသင်း၊ ဟောင်ကောင် အသင်းတို့နှင့် ကမ္ဘာ့ဖလား ခြေစစ်ပွဲ ယှဉ်ပြိုင် ကစားမည့် မော်လ်ဒိုက် လက်ရွေးစင် အသင်းတွင် ပါဝင် ကစားရန် ခေါ်ယူခြင်း ခံရသည်။ (၁၁-၆-၁၅)ရက်နေ့တွင် ကာတာ အသင်းနှင့် ...

ဇွဲကပင်နှင့်ခြေစမ်းပွဲတွင် ရှုံးနိမ့်

ဇွဲကပင်နှင့်ခြေစမ်းပွဲတွင် ရှုံးနိမ့်

အောင်ဆန်းကွင်း၌ ယနေ့ညနေ ခြေစမ်း ကစားခဲ့သော ပွဲတွင် အဓိက ကစားသမား အများစုကို အနားပေး၍ လူငယ် ကစားသမားများကိုသာ ပွဲထုတ်ခဲ့သော ကမ္ဘောဇ အသင်းသည် ဇွဲကပင် ယူနိုက်တက် အသင်းအား (၅-၁)ဂိုးဖြင့် ရှုံးနိမ့်ခဲ့သည်။ သိန်းသန်းဝင်း၊ ရန်အောင်ဝင်း၊ ဘာကာ၊ မင်းမင်းထွန်း၊ ...

ကမ္ဘောဇစီနီယာ အသင်း၏ ကြံ့ ခိုင်ရေးနည်းပြ အဖြစ် ဦးဟန်ဝင်းအောင် တာဝန်ယူမည်

ကမ္ဘောဇစီနီယာ အသင်း၏ ကြံ့ ခိုင်ရေးနည်းပြ အဖြစ် ဦးဟန်ဝင်းအောင် တာဝန်ယူမည်

ကမ္ဘောဇ အသင်း၏ နည်းစနစ် ဒါရိုက်တာ မစ္စတာ ဂျာဗတ်ဆာရစ်က အသင်းခေါင်းဆောင် နောက်ခံ ကစားသမားဟောင်း ဦးဟန်ဝင်းအောင်အား စီနီယာ အသင်း၏ ကြံ့ ခိုင်ရေး နည်းပြအဖြစ် တာဝန်ပေးအပ် လိုက်သည်။ ၂၀၁၄ ဘောလုံးရာသီ အကုန်တွင် ဘောလုံးသမား ဘ၀မှ အနားယူ၍ ...

ခြေစမ်းပွဲတွင် ရခိုင် ယူနိုက်တက်အား ၂-၁ ဖြင့် အနိုင်ရ

ခြေစမ်းပွဲတွင် ရခိုင် ယူနိုက်တက်အား ၂-၁ ဖြင့် အနိုင်ရ

ကမ္ဘောဇ အသင်းသည် ယနေ့ ညနေတွင် ရခိုင် ယူနိုက်တက် အသင်းနှင့် ခြေစမ်း ကစားရာ (၂-၁)ဂိုးဖြင့် အနိုင်ရရှိခဲ့သည်။ ကမ္ဘောဇအသင်းအတွက်ဂိုးများကို ဖိုလန်(၁၅ မိနစ်)နှင့် စိုးကျော်ဦး(၇၃ မိနစ်)တို့က သွင်းယူ၍ ရခိုင်အသင်း အတွက် ချစ်ကိုကိုက ၅၁ မိနစ်တွင် ...

ကမ္ဘာ့ဖလား ခြေစစ်ပွဲ ၀င်မည့် မော်လ်ဒိုက် အသင်းအတွက် ဘာကာအာရစ်အား စေလွှတ်ပေး

ကမ္ဘာ့ဖလား ခြေစစ်ပွဲ ၀င်မည့် မော်လ်ဒိုက် အသင်းအတွက်

Posted by admin on May 15, 20151
ဇွဲကပင်နှင့်ခြေစမ်းပွဲတွင် ရှုံးနိမ့်

ဇွဲကပင်နှင့်ခြေစမ်းပွဲတွင် ရှုံးနိမ့်

Posted by admin on May 15, 20152
ကမ္ဘောဇစီနီယာ အသင်း၏ ကြံ့ ခိုင်ရေးနည်းပြ အဖြစ် ဦးဟန်ဝင်းအောင် တာဝန်ယူမည်

ကမ္ဘောဇစီနီယာ အသင်း၏ ကြံ့ ခိုင်ရေးနည်းပြ အဖြစ်

Posted by admin on May 15, 20153
ခြေစမ်းပွဲတွင် ရခိုင် ယူနိုက်တက်အား ၂-၁ ဖြင့် အနိုင်ရ

ခြေစမ်းပွဲတွင် ရခိုင် ယူနိုက်တက်အား ၂-၁ ဖြင့်

Posted by admin on May 15, 20154

Latest Headlines

ကမ္ဘောဇ အသင်းသည် ယနေ့ ညနေတွင် ရခိုင် ယူနိုက်တက် အသင်းနှင့် ခြေစမ်း ကစားရာ (၂-၁)ဂိုးဖြင့် အနိုင်ရရှိခဲ့သည်။ ကမ္ဘောဇအသင်းအတွက်ဂိုးများကို ဖိုလန်(၁၅ မိနစ်)နှင့် စိုးကျော်ဦး(၇၃ မိနစ်)တို့က သွင်းယူ၍ ရခိုင်အသင်း အတွက် ချစ်ကိုကိုက ၅၁ မိနစ်တွင် ပင်နယ်တီမှ တဆင့်သွင်းယူခဲ့သည်။

ကမ္ဘောဇအသင်း နည်းစနစ်ဒါရိုက်တာ ဂျာဗတ်ဆာရစ်သည် ပြီးခဲ့သည့်ခြေစမ်းပွဲကအတိုင်း ပထမပိုင်းတွင် တစ်သင်း၊ ဒုတိယပိုင်းတွင် တစ်သင်း ပွဲထွက် ကစားစေခဲ့သည်။ ပွဲချိန် ၁၅ မိနစ်တွင် တိုက်စစ်မှူးဖိုလန်က ၂၅ ကိုက်ခန့်မှ အပြင်းကန်သွင်းကာ အဖွင့်ဂိုးကို သွင်းယူခဲ့သည်။

ပွဲချိန် ၅၁ မိနစ်တွင် ကမ္ဘောဇနောက်ခံလူ ဂိုးဧရိယာအတွင်း လက်ထိသည်ဟုဆိုကာ ဂိုးလယ်ဒိုင်က ပင်နယ်တီပြစ်ဒဏ်ဘောသတ်မှတ်ရာ ချစ်ကိုကိုက ဂိုးအဖြစ်ပြောင်းလဲခဲ့သည်။ ပွဲချိန် ၇၃ မိနစ်တွင် ညာတောင်ပံမှ နိုင်စိုးဝေ၏ ဖြတ်တင်ဘောကို စိုးကျော်ဦးက ပိတ်သွင်းသဖြင့် ကမ္ဘောဇအသင်း အနိုင်ဂိုး ရရှိခဲ့သည်။

ပထမပိုင်း လူစာရင်း

ဂိုး- ဖြိုးမင်းမောင်။

နောက်တန်း- ရန်အောင်ဝင်း၊ ဇန်ဘိုထွန်း၊ အိုဘာဒင်၊ ဥာဏလွင်။

အလယ်တန်း- နေဇော်ထက်၊ လှအေးထွေး၊ ဘာကာ၊ ဂျော်ဂျီ။

ရှေ့တန်း- စိုးမင်းဦး၊ ဖိုလန်။

လူစားဝင်ကစားသူများ- အောင်မျိုးသူဟိန်းဇော်၊ စိုးကျော်ဦး။
………………………………………………

ဒုတိယပိုင်းလူစာရင်း

ဂိုး- ဥာဏ်ထက်။

နောက်တန်း- နိုင်စိုးဝေ၊ အေးဆန်း၊ အောင်မျိုးသူဟိန်းဇော်၊ ကောင်းမြတ်ဟန်။

အလယ်တန်း- သိန်းသန်းဝင်း၊ သီဟသူ၊ နေ၀င်းအောင်၊ စိုးကျော်ဦး။

ရှေ့တန်း- မင်းမင်းထွန်း၊ စိုးပိုင်သွေး။


May 15th, 2015

ကမ္ဘောဇ အသင်း အောင်နိုင်ရေး အထူး အစည်းအဝေးကို (၆-၅-၁၅)ရက်နေ့က ရန်ကုန်မြို့ ရှိ ကမ္ဘောဇ အသင်းရုံးတွင် ကျင်းပခဲ့ရာ အသင်း ဥက္ကဌ ဦးခင်မောင်လတ်၊ အမှုဆောင် အရာရှိချုပ် ဦးဝင်းမြင့်ဦးနှင့် အသင်း အုပ်ချုပ်မှုပိုင်း တာဝန်ရှိသူများ၊ နည်းစနစ် ဒရိုက်တာ မစ္စတာဂျာဗတ်ဆာရစ်နှင့် နည်းပြအဖွဲ့ ဝင်များ၊ ကစားသမားများ တက်ရောက်ခဲ့ကြသည်။

အဖွင့်အမှာစကားကို အသင်းဥက္ကဌက ပြောကြားရာတွင် “ကစားသမားအားလုံး ကွင်းအတွင်း၊ ကွင်းအပြင် စည်းကမ်းရှိဖို့ အဓိက မှာချင်တယ်။ စည်းကမ်းမရှိရင် အသင်းအောင်မြင်ဖို့ မဖြစ်နိုင်ဘူး။ အသင်းက ချမှတ်ထားတဲ့ စည်းကမ်းတွေကို လိုက်နာကြရမှာဖြစ်သလို၊ ကွင်းထဲမှာလည်း နည်းပြက ချမှတ်ထားတဲ့ Tactical discipline တွေကို လိုက်နာကြရမှာပါ”ဟု ပြောကြားခဲ့သည်။

ထို့နောက် နည်းစနစ်ဒါရိုက်တာ ဆာရစ်က ကမ္ဘောဇအသင်း၏ ယခုရာသီ ရည်မှန်းချက်၊ အနာဂတ်ရည်မှန်းချက်နှင့် Model of Play တို့ကို ပရောဂျက်တာဖြင့် ရှင်းလင်းပြောကြားခဲ့သည်။


May 7th, 2015

ကမ္ဘောဇဘောလုံး အသင်းသည် အသင်း၏ ဘော့စနီးယားနိုင်ငံသား ကြံ့ခိုင်ရေးနည်းပြ မစ္စတာဂျာဗတ်ဆာရစ်အား ယနေ့(၁၁-၃-၁၅)ရက်နေ့မှစတင်၍ နည်းစနစ် ဒါရိုက်တာ အဖြစ် ပြောင်းလဲ ခန့်ထားလိုက်သည်။

ဘော့စနီးယားနိုင်ငံ၊ ဆာရာယေဗို တက္ကသိုလ်မှ အားကစားနှင့် ကာယပညာ အထူးပြု ဘာသာရပ်ဖြင့် ပါရဂူဘွဲ့ ရရှိခဲ့သော ဒေါက်တာ ဆာရစ်သည် UEFA Professional လိုင်စင် အတွက် Seminar ၄ ခုစလုံး တက်ရောက် ထားသူဖြစ်ပြီး၊ UEFA Professional လိုင်စင် နောက်ဆုံး စာမေးပွဲကို ယခုလ အတွင်း တူရကီနိုင်ငံ၊ အစ္စတန်ဘူလ်မြို့ ၌ သွားရောက်ဖြေဆိုရမည်ဖြစ်သည်။

အသက်(၃၁)နှစ် အရွယ်ရှိ မစ္စတာဆာရစ်သည် ၂၀၁၅ ဘောလုံးရာသီ မစတင်မီ ကမ္ဘောဇ အသင်းသို့ Fitness Coach အဖြစ် ရောက်ရှိခဲ့သူဖြစ်သည်။


March 16th, 2015

ကမ္ဘောဇအသင်းမှ အောက်ဖော်ပြပါကစားသမားများသည် (၇-၃-၁၅)ရက်နေ့တွင် ပုသိမ်မြို့ရှိ ကျောက်တိုင်အားကစားကွင်း၌ MNL 2015 ပွဲစဉ် ၉ အဖြစ် ဧရာဝတီယူနိုက်တက်အသင်းနှင့် ယှဉ်ပြိုင်မည့်ပွဲအား လွဲချော်မည်ဖြစ်သည်။

(က) ရန်အောင်ဝင်း (ပွဲပယ်) * အ၀ါကတ် ၃ ကတ်
(ခ) နေဇော်ထက် (ခြေသလုံးကြွက်သားဒဏ်ရာ)
(ဂ) ဖိုလန် (ပေါင်ကြွက်သားဒဏ်ရာ) —

“ရန်ကုန် ယူနိုက်တက် အသင်းနဲ့ ပွဲတုန်းက အမှားတွေကို သင်ခန်းစာ ယူပြီး အသင်းကို ပြင်ဆင်မှုတွေ လုပ်ထားပါတယ်။ မနက်ဖန် ဧရာဝတီ ယူနိုက်တက်အသင်းနဲ့ပွဲမှာ အကောင်းဆုံးကြိုးစား ယှဉ်ပြိုင်သွားမှာပါ။ အဝေးကွင်းမှာ ယှဉ်ပြိုင်ရမှာဖြစ်ပေမယ့်လည်း ရလဒ်ကောင်းရဖို့ မျှော်လင့်မိပါတယ်” ဟု ဦးစိုးမြတ်မင်းက ပြောကြားခဲ့ပါတယ်။


March 7th, 2015

ရန်ကုန် ယူနိုက်တက် အသင်းသည် MNL ထိပ်တန်း အသင်းကြီး တစ်သင်းဖြစ်သည်နှင့် အမျှ ၄င်းတို့အား ခက်ခဲစွာ ကစားရလိမ့်မည် ဖြစ်သော်လည်း အိမ်ကွင်း၌ ယုံကြည်မှု အပြည့်ဖြင့် အကောင်းဆုံး ကြိုးစား ယှဉ်ပြိုင်သွားရန် ကမ္ဘောဇ အသင်း၏ စီနီယာ ကစားသမား နှစ်ဦးက စိတ်ပိုင်း ဖြတ်ထားကြသည်။

 

“မြန်မာနေရှင်နယ်လိဂ် ဆိုပြီး ပရော်ဖက်ရှင်နယ် ပြောင်းကတည်းက ရန်ကုန် ယူနိုက်တက်ဟာ ထိပ်တန်း အသင်းတစ်သင်း အဖြစ် ရပ်တည် လာခဲ့တာပါ။ ပြိုင်ဘက်တိုင်းက လေးစား ခဲ့ရတယ်။ အစဉ်အဆက် ပြည်တွင်း၊ ပြည်ပ ကစားသမားကောင်းတွေ ပိုင်ဆိုင်ထားခဲ့တယ်။ ရန်ကုန် ယူနိုက်တက်နဲ့ တွေ့ဆုံတဲ့ အခါတိုင်း ခက်ခက်ခဲခဲ ကစားရပါတယ်။ ဒီရာသီ MNL မှာလည်း သူတို့က ရလဒ်ကောင်းတွေ ရထားပြီး အမှတ်ပေး ဇယားကို ဦးဆောင်နေတယ်။ သူတို့ အသင်းနဲ့ ပွဲဟာ တကယ်ကို ခက်ခဲတဲ့ ပွဲတစ်ပွဲဖြစ်လာဖို့ရှိပါတယ်” ဟု ကမ္ဘောဇ အသင်းအတွက် MNL သွင်းဂိုး ၇၆ဂိုး သွင်းယူထားသူ တိုက်စစ်မှူးစိုးမင်းဦးက ပြောသည်။

 

မြန်မာ့ဘောလုံး ပရော်ဖက်ရှင်နယ် စနစ် မပြောင်းလဲမီ ၂၀၀၈ ခုနှစ်တွင် ရန်ကုန်မြို့တော် စည်ပင် အသင်းမှ ကမ္ဘောဇ အသင်းသို့ ထုတ်ဖော်ကြေညာခြင်း မရှိသောပြောင်းရွှေ့ကြေးတစ်ရပ်ဖြင့်ရောက်ရှိခဲ့သော စိုးမင်းဦးသည် ရှမ်းပြည် ကိုယ်စားပြုအသင်း အတွက် ပရော်ဖက်ရှင်နယ်ပြိုင်ပွဲ အရပ်ရပ်(မြန်မာနေရှင်နယ်လိဂ်၊ MFF Cup၊ 2013 MNL Cup၊ 2009 AFC President’s Cupနှင့် 2012 Singapore Cup) စုစုပေါင်း ၁၀၇ ဂိုး သွင်းယူပေးထားသူလည်းဖြစ်သည်။

 

တစ်ချိန်တည်းမှာပင် အသင်း၏ ဂိုးသမား ကျော်ဇင်ထက်က ရန်ကုန်ယူနိုက်တက်အသင်းနှင့်ပွဲသည် ယခုရာသီ မိမိတို့အသင်း၏ ခြေစွမ်းကို မှတ်ကျောက်တင်ခံမည့်ပွဲဖြစ်သူဟု မှတ်ချက်ပြုသည်။

 

“ကျွန်တော်တို့ အသင်းဟာ ဒီရာသီ MNL မှာ ရှုံးပွဲ မရှိသေးဘူး ဆိုပေမယ့် ထိပ်တန်းအသင်းကြီးတွေနဲ့ မကစားရသေးဘူး။ ရန်ကုန်ယူနိုက်တက်နဲ့ပွဲကတော့ ကျွန်တော်တို့ရဲ့ခြေစွမ်းကို မှတ်ကျောက်တင်မယ့် ပွဲပါ။ ကျွန်တော်တို့အတွက် စိန်ခေါ်မှုတစ်ရပ်လည်းဖြစ်ပါတယ်။ ဘာပဲပြောပြော…. ရန်ကုန်ယူနိုက်တက်အသင်းကို ရလဒ်ပိုင်း အသာ စီးရထားတဲ့ တောင်ကြီး အိမ်ကွင်းမှာ အနိုင် ရလိမ့်မယ်လို့ မျှော်လင့် ထားပါတယ်။ အသင်းသား အားလုံး အာရုံ စူးစိုက်မှု အပြည့် လေ့ကျင့်ပြင်ဆင်နေပါတယ်” ဟု MNL သမိုင်းတစ်လျှောက် ရန်ကုန် အသင်းနှင့် တွေ့ဆုံသည့် ပြိုင်ပွဲ အဆင့်ပွဲများတွင် ပေးဂိုးမရှိ(Clean sheet)ပွဲ ၄ ပွဲ ရထားသည့် ကျော်ဇင်ထက်က ဖွင့်ဟသည်။ ၂၀၀၈ ခုနှစ်တွင် ဆောက်လုပ်ရေးဝန်ကြီးဌာနအသင်းမှ ကမ္ဘောဇအသင်းသို့ ပြောင်းရွှေ့ကြေးတစ်ရပ်ဖြင့် ရောက်ရှိခဲ့သူ အဆိုပါမြန်မာ့ လက်ရွေးစင်ဂိုးသမားဟောင်းသည် ၂၀၀၉ ခုနှစ်နောက်ပိုင်းပြိုင်ပွဲအရပ်ရပ်(မြန်မာနေရှင်နယ်လိဂ်၊ MFF Cup၊ 2013 MNL Cup၊ 2009 AFC President’s Cup၊ 2012 Thai-Myanmar Border Trade Cup၊ 2012 Singapore Cup)တွင် ပေးဂိုးမရှိသည့်ပွဲပေါင်း ၂၃ ပွဲရသည့် မှတ်တမ်းကောင်းကို ပိုင်ဆိုင်ထားသည်။

 

ကမ္ဘောဇအသင်းသည် တောင်ကြီးကွင်း၌ ရန်ကုန်ယူနိုက်တက်အသင်းနှင့် ၅ ကြိမ်တွေ့ဆုံခဲ့သည့်အနက် ၂ ပွဲနိုင်၍ ၃ ပွဲသရေကျခဲ့သည်။ [၂၀၁၀ (၀-၀)၊ ၂၀၁၁ (၃-၀)၊ ၂၀၁၂ (၁-၀)၊ ၂၀၁၃ (၁-၁)၊ ၂၀၁၄ (၁-၁)]

 

ဆက်လက်၍ ကျောနံပါတ်တစ် ဂိုးသမားကပင် ရန်ကုန်ယူနိုက်တက်အသင်း၏ ခြေစွမ်းနှင့်ကစားပုံအပေါ် ၄င်း၏ အမြင်ကို ပြောပြသည်။ “ရန်ကုန်အသင်းက ပြည်တွင်း၊ ပြည်ပကစားသမားကောင်းတွေကို ပိုင်ဆိုင်ထားတဲ့အပြင် နည်းပြကလည်း ဥရောပမှာ အတွေ့အကြုံများတယ်လို့ သိရတယ်။ သူတို့ဟာ သူတို့ခြေထောက်ထဲမှာ ဘောလုံးရှိရင် အရမ်းကောင်းပါတယ်။ အဲဒီအချက်ကတော့ သတိထားရမယ်”ဟု ပြောသည်။

 

တစ်ဖက်တွင် စိုးမင်းဦးက သူ၏ Direct opponent ဖြစ်လာဖွယ်ရှိသည့် ရန်ကုန်နောက်ခံလူ ဇော်မင်းထွန်းမှာ ထူးချွန်သည့် ကစားသမားဖြစ်သည်ဟုဆိုသည်။ ” ဇော်မင်းထွန်းကတော့ MNL မှာ ကျွန်တော်အကြိုက်ဆုံး နောက်ခံလူတွေထဲက တစ်ယောက်ပါ။ သူက ပါးနပ်ပြီး Aerial combat လည်းကောင်းတယ်။ ရန်ကုန်ယူနိုက်တက်အသင်းနဲ့ပွဲမှာ ကျွန်တော်တို့ သတိထားရမယ့် ကစားသမားကတော့ ဆီဇာပါပဲ”ဟု ကျောနံပါတ် ၁၀ က ပြောပြခဲ့သည်။

 

ကမ္ဘောဇအသင်းနှင့် ရန်ကုန်ယူနိုက်တက်အသင်းတို့သည် MNL 2015ပွဲစဉ် ၈ အဖြစ် (၁-၃-၁၅)ရက်နေ့ ညနေ ၃း၃၀ နာရီတွင် ရှမ်းပြည်နယ်အားကစားကွင်း၌ ယှဉ်ပြိုင်ကစားကြမည်ဖြစ်သည်။


March 3rd, 2015

ခက်ခက်ခဲခဲ ကစားခဲ့ရသော ပွဲတွင် အဖိုးတန်အနိုင် ၃ မှတ် ရယူနိုင် ခဲ့သဖြင့် စိတ်သက်သာရာ ရခဲ့ကြောင်း နည်းပြချုပ် ဦးစိုးမြတ်မင်းက ဇွဲကပင် ယူနိုက်တက် အသင်းအား အနိုင်ရသော ပွဲအပြီး၌ ပြောကြားသည်။

 

ကမ္ဘောဇအသင်းသည် MNL 2015 ပွဲစဉ် ၇ အဖြစ် ယနေ့(၂၂-၂-၁၅)ရက်နေ့တွင် တောင်ကြီး အိမ်ကွင်း၌ ဇွဲကပင် ယူနိုက်တက် အသင်းနှင့် ယှဉ်ပြိုင် ကစားရာ ဂျော်ဂျီယာ ကွင်းလယ်ကစားသမား ဂျော်ဂျီ၏ တစ်လုံးတည်းသော ဂိုးဖြင့် အနိုင် ရရှိခဲ့သည်။

 

“ခက်ခက်ခဲခဲ ကစားခဲ့ရတဲ့ ပွဲပါ။ အထူးသဖြင့် ပြိုင်ဘက်အသင်းက နောက်မှာလူအများကြီးထားပြီး ခံစစ်ပိတ်ကစားတော့ ပိုမိုခက်ခဲခဲ့ပါတယ်။ ဘာပဲဖြစ်ဖြစ် အဖိုးတန် ၃ မှတ်ရခဲ့လို့ စိတ်သက်သာရာ ရခဲ့ပါတယ်”ဟု ဦးစိုးမြတ်မင်းက ပြောကြားခဲ့သည်။ နေပြည်တော်အက်ဖ်စီအသင်းအား အနိုင်ရခဲ့သည့် လူစာရင်းတွင် ရန်အောင်ဝင်း အစား နိုင်စိုးဝေတစ်ဦးတည်းကိုသာ အပြောင်းအလဲလုပ်ခဲ့ပြီး၊ စိုးမင်းဦးကို တိုက်စစ်မြားဦး၌ ခင်းကျင်းလျက် ကျော်ဇေယျာဝင်းက နောက်ချန်တိုက်စစ်မှူးနေရာမှ ပွဲထွက်ခဲ့သော ကမ္ဘောဇအသင်းသည် Deep defence ဖြင့် ခံစစ်ပိတ်ကစားသော ဇွဲကပင်အသင်းအား ဘောလုံးပိုင်ဆိုင်မှု အသာစီးဖြင့် နေရာမျိုးစုံမှ ထိုးဖောက်ကစားနေခဲ့သော်လည်း ဦးဆောင်ဂိုးရရှိရန် ရုန်းကန်နေခဲ့ရသည်။

 

“ဇွဲကပင်အသင်းက သူတို့ရဲ့ခံစစ်ဇုန်မှာ ၈ ယောက်၊ ၉ ယောက်လောက်နဲ့ ပိတ်ကစားနေခဲ့တော့ ကျွန်တော်တို့အသင်း ဂိုးရဖို့ တော်တော် ရုန်းကန်နေခဲ့ရပါတယ်။ ဒါနဲ့တောင် ပထမပိုင်းမှာ အပိုင်အခွင့်အရေး ၃ ကြိမ်လောက်ရခဲ့သေးတယ်။ ကံမကောင်းလို့သာ စောစော ဂိုးမရတာပါ”ဟု ဦးစိုးမြတ်မင်းက ပြောသည်။

 

ရှမ်းပြည်ကိုယ်စားပြုအသင်းသည် ပွဲချိန်ဒုတိယပိုင်းတွင် နိုင်စိုးဝေအစား မိုင်းအိုက်နိုင်ကိုလည်းကောင်း၊ နေဇော်ထက်နေရာတွင် ဂျော်ဂျီကို လည်းကောင်း ထည့်သွင်းကာ တိုက်စစ်အားမြှင့်တင်ခဲ့ရာ မိနစ် ၇၀ ၌ ကျော်ဇေယျာဝင်း၏ ထောင့်ကန်ဘောကို ဂျော်ဂျီက ခေါင်းတိုက်သွင်းသဖြင့် ဦးဆောင်ဂိုး ရရှိခဲ့သည်။ အဆိုပါဂိုးသည် ဒဏ်ရာပြဿနာကြောင့် ကမ္ဘောဇအသင်းအတွက် တစ်ပွဲမျှ မကစားခဲ့ရသော ဂျော်ဂျီအတွက် MNL ပြိုင်ပွဲကျင်းပသောကွင်းအတွင်း ၀င်လာပြီး ၂ မိနစ်အတွင်းရရှိသည့် ဂိုးဖြစ်လာခဲ့သည်။

 

“တကယ်တော့ ဂျော်ဂျီရဲ့ ကြံ့ခိုင်မှုက မကောင်းသေးပါဘူး။ ဂိုးရဖို့ ရုန်းကန်နေရတဲ့အချိန်မှာ ကျွန်တော် စွန့်စားပြီး ထည့်ခဲ့တာပါ။ စိုးမင်းဦးက တစ်ချိန်လုံး Man marking မိနေတဲ့ အချိန်မှာ တစ်ခုခု အပြောင်းအလဲဖြစ်နိုင်မလား ဆိုတဲ့ မျှော်လင့်ချက်နဲ့ ဂျော်ဂျီကို အလောင်းအစား လုပ်ခဲ့တာမှာ ကံအားလျော်စွာ သူက အနိုင်ဂိုး သွင်းနိုင်ခဲ့တယ်” ဟု နည်းပြချုပ်က ဖွင့်ဟသည်။

 

အိမ်ရှင် အသင်း၏ ဦးဆောင်ဂိုးသည် မိနစ် ၉၀ ပြည့်ပြီးသည်အထိ လုံခြုံမှု မရှိခဲ့ချေ။ နာကျင် အချိန်ပို ၁ မိနစ်တွင် ဇွဲကပင်တိုက်စစ်မှူးကို ဂျော်ဂျီက ဂိုးဧရိယာ အတွင်း ပြစ်ဒဏ်ကျူးလွန်သည်ဟု ဆိုကာ ကွင်းလယ်ဒိုင်က ပင်နယ်တီ သတ်မှတ်ပေးလိုက်သည်။ ထိုပင်နယ်တီကို ကမ္ဘောဇတိုက်စစ်မှူးဟောင်း ဇစ်ကိုဗစ်ကန်သွင်းရာ၌ ဂိုးဘားပေါ်မှ ကျော်သွားခဲ့သည်။

 

ယနေ့နိုင်ပွဲသည် ယခုရာသီ ကမ္ဘောဇအသင်း၏ ပထမဆုံး ၂ ပွဲဆက်တိုက်နိုင်ပွဲ ဖြစ်လာခဲ့သည်။


February 24th, 2015

About KBZ Football Club

KBZ Football Club was founded in year 2005 and played as an amateur club in Myanmar League which was the highest football league in Myanmar. The first ever manager is U Myo Win Nyunt and coach is U Ye Nyunt. Since 2009, KBZ Football Club changed as a professional football club to play in Myanmar National League (Professional League) which was changed from Myanmar League.

Read More ...